आधुनिक जमान्यात माणूस इतका स्वार्थी झाला आहे कि बोलायची सोय नाही. पण तोच माणूस स्वतःच्या शरीराबदल इतका अज्ञानी आणि निष्काळजी कसा झालाय समजत नाही. डॉ मंदार गद्रे नेमका ह्याच मुद्यावर बोट ठेऊन रोगाला शरीरातून बाहेर काढायचे किंवा रोगाला शरीरात प्रवेश मिळून न देण्याचे सरळ साधे परिणामकारक उपाय ह्या पुस्तकातून सुचवतो. म्हणजेच एका अर्थाने आपले डोळे उघडतो.

- सुनंदन लेले, ज्येष्ठ पत्रकार

बदलत्या जीवनशैलीमुळे आपले आरोग्य धोक्यात येत आहे. जंक फूडचे अधिक सेवन, व्यायामाचा अभाव, तणाव, झोपेची कमतरता हे पण हानिकारक आहेत. हृदयरोग, उच्च रक्तदाब, मधुमेह यासारखे अनेक आजारांची ही पायरी आहे. त्यामुळेच या आजारांच्या मुळावर घाव घालणारे आधुनिक भस्मासुर हे डॉ. मंदार गद्रे ह्यांचे दिलीपराज ने प्रकाशित केलेले पुस्तक त्यामुळे महत्वाचे ठरते. लेखक हे औषध विरहित उपचाराचे प्रणेते आहेत. ह्या विचारांची सध्या खूप गरज आहे. मी ह्या पुस्तकाला सुयश चितितो.

-डॉ दीपक शिकारपूर

संगणक व्यावसायिक, लेखक,

डिजिटल साक्षरता प्रसारक

आजच्या घडीला देशासमोरच्या अनेक आव्हानांपैकी एक मोठं आव्हान म्हणजे जीवनशैलीच्या रोगांचं प्रचंड वाढतं प्रमाण, आणि त्यामुळे होणारी आरोग्याची, उत्पादकतेची, वेळेची-पैशाची हानी. ह्या अडचणींपुढे हार न मानता त्यांच्याशी मुळातून लवण्याची गरज आहे. त्यासाठी लागणारा मूलभूत विचार मांडण्याचा उत्तम प्रयत्न मंदारच्या ह्या पुस्तकात आहे. त्यातल्या अनेक बाबींचा मी स्वतः अभ्यास केला आहे आणि अनुभवही घेतला आहे.

श्री. अविनाश धर्माधिकारी