\tहे पुस्तक म्हणजे आजवर लाखो लोकांना यशाच्या शिखरावर नेणारा, सर्व काळात सिद्ध असलेला रामबाण उपाय, वैयक्तिक आणि व्यावसायिक आयुष्यात यशप्राप्तीचा मूलमंत्र म्हणजे हे पुस्तक. 'सेल्फ हेल्प' पुस्तक व्यवसायाला जन्म देणाऱ्या How to win Friends influence people या पुस्तकाच्या जगभरात दीडकोटींहून अधिक प्रती विकल्या गेल्या आणि आजही विक्रीचे उच्चांक सुरूच आहेत. या पुस्तकाचा जवळपास एकतीस भाषांत अनुवाद झाला असून, टाइम मॅगेझीनच्या १०० प्रभावशाली पुस्तकांत या पुस्तकाचा समावेश आहे. या पुस्तकात डेल कार्नेगी आपल्याला अत्यंत व्यावहारिक व सिद्ध गोष्टी सांगतात; ज्यामुळे लोकांशी कसं वागावं, त्यांना समजून कसं घ्यावं आणि आपलं आयुष्य अधिक फलदायी कसं बनवावं याचं रहस्य उलगडतं. लोकांना आपण महत्त्वपूर्ण व प्रशंसनीय आहोत, याची खात्री पटावी यासाठीची कौशल्यं कार्नेगी काही मूलभूत सिद्धान्तांच्या आधारे शिकवतात. लोकांना अगदी सहजपणे कसं हाताळावं, याची तंत्रही कार्नेगी सविस्तर सांगतात. या पुस्तकात वाचा :

पहिल्या भेटीतच प्रभाव (फर्स्ट इम्प्रेशन) कसा पाडावा?
तुमच्या विचारांनी लोकांना प्रभावित कसं करावं ? लोकांना तुमचा हेवा वाटावा, यासाठी काय करावं?
सहजपणे व त्वरित मित्र कसे जोडावेत आणि प्रसिद्धी कशी मिळवावी ?
कुशलतेनं आणि तंत्र वापरून लोकांचं मनपरिवर्तन कसं करावं?
इतरांनी आपली कामं करावीत यासाठी काय करावं?
आपल्या कामात लोकांनी स्वारस्य दाखवावं, यासाठी काय करावं?
लोकांना त्यांच्या चुका दाखवून देताना द्वेषभावना येऊ नये, यासाठी काय करावं?

ऐतिहासिक व्यक्तिमत्त्वांचे दाखले, उद्योग जगतातल्या नेत्यांची आणि रोजच्या आयुष्यातली उदाहरणं यांच्या उल्लेखांमुळे पुस्तक प्रभावी बनलंय, हे पुस्तक तुमच्या आयुष्यातले नातेसंबंध नक्कीच दृढ करेल.

Mitra Joda Ani Prabhavshali Bana

Mitra Joda Ani Prabhavshali Bana